Martxoaren 23an, igandea, TALDEZ TALDE XXIV. edizioaren bigarren emanaldia ospatuko da. Bertan, Herriko Musika Banda eta Bizkargiko Banda Gaztea izango dira protagonistak. Joan zen igandean, Euskal musika tresnak eta Dantzariak ikusteko eta entzuteko aukera izan genuen. Oraingoan, Herriko Musika Banda eta Eskolako Banda gazteak, bakarka eta baita elkarlanean ere, hainbat estilo ezberdinetako musikak interpretatuko dituzte. Musikazale guztiak gonbidatuta zaudete!
